పక్కా కొలతలతో రుచికరమైన చికెన్ పచ్చడి రెసిపీ తయారీ విధానం
పక్కా కొలతలతో 1 కేజీ చికెన్ పచ్చడిని రుచికరంగా & సులభంగా ఎలా తయారు చేసుకోవాలో తెలుసుకోండి. ఈ చికెన్ పచ్చడి 4 నెలల వరకు ఎంచక్కా నిలువ ఉంటుంది. ఏ కూర చేసుకున్నా, ఏ రసం చేసుకున్నా పక్కన ఒక్క 4 ముక్కలు పెట్టుకుని కాసింత అంటు పెట్టుకుని తింటుంటే ఉంటుంది. ఏ కారణం చేతనైనా మిస్ అవకండి!
Ingredients
- 1 kg చికెన్ ( బోన్ లెస్ చికెన్ )
- 3 tbsp కారం
- 3 tbsp ఉప్పు
- 1 tbsp పసుపు
- 4 tbsp అల్లం వెల్లుల్లి పేస్టు
- 2 tbsp ధనియాలు
- 1 tbsp జీలకర్ర
- 300 ml నూనె
- 2 inch దాల్చిన చెక్క
- 4 లవంగాలు
- 4 యాలకులు
- 8 మిరియాలు
- ½ tbsp ఆవాలు
- ½ మెంతులు
- 3 నిమ్మకాయల రసం
Instructions
- ముందుగా 1 kg చికెన్లో ఒక టీ స్పూన్ పసుపు ఒక టీ స్పూన్ ఉప్పు వేసి చికెన్ ముక్కలకు పట్టించాలి. బాగా పట్టించిన తర్వాత ఈ మిశ్రమాన్ని పక్కకు పెట్టుకోవాలి.
- పొయ్యి మీద కడాయి పెట్టి వేడయ్యాక రెండు టీ స్పూన్ల ధనియాలు, 8 మిరియాలు, మూడు యాలకులు, నాలుగు లవంగాలు, రెండు ఇంచుల దాల్చిన చెక్క, ఒక టీ స్పూన్ జీలకర్ర, అర టీ స్పూన్ల మెంతులు, అర టీ స్పూన్ ఆవాలు వేసి చిటపటలాడేంతవరకు వేయించి చల్లరాక పొడి చేసి పెట్టుకోవాలి.
- కడాయిలో చికెన్ ముక్కలు వేయించేంత నూనె పోసుకొని వేడి చేసుకుని ఉప్పు పసుపు వేసి కలిపి పెట్టిన చికెన్ మిశ్రమాన్ని కడాయి లో పట్టేంత వేసి గరిటతో కలపెట్టాలి. చికెన్ ఉడుకుతున్నప్పుడు నీరు వస్తుంది ఆ నీరంతా పోయేంత వరకు గరిటతో తిప్పుతూ తక్కువ మంట మీద చికెన్ అంతా లేత ఎరుపు వేయించుకోవాలి.
- వేయించుకున్నప్పుడే బాగా ఎర్రగా అయితే తర్వాత ముక్కలు నల్లగా అవుతాయి. కాబట్టి దోరగా అంటే మరీ ఎర్రగా కాకుండా దోరగా ఉన్నప్పుడే అందులో నాలుగు టేబుల్ స్పూన్ల అల్లం వెల్లుల్లి పేస్ట్ వేసి పచ్చివాసన పోయేంత వరకు బాగా మగ్గించుకోవాలి.
- తర్వాత పొడి చేసుకున్న మసాలాని వేసి గరిటతో తిప్పుతూ కారం ఉప్పు వేసి కలిపి వెంటనే దించేయాలి ఎందుకంటే మంట మీద ఎక్కువ సేపు ఉంచితే కారం నల్లగా అవుతుంది.
- కారం వేసిన అర నిమిషంలోనే కడాయి దించుకొని ఆ మిశ్రమాన్ని బాగా కలబెట్టుకుని రెండు గంటలు పక్కకు పెట్టుకోండి.
- పచ్చడి పూర్తిగా చల్లారిన తర్వాత మూడు నిమ్మకాయల రసాన్ని పచ్చట్లో పోసి మంచిగా ఇవన్నీ కలిసేంత వరకు కలబెట్టుకోండి.
- అంతే ఎంతో రుచికరమైన .. నాన్ వెజ్ ప్రియుల చికెన్ పచ్చడి రెడీ అయిపోయింది . ఈ పచ్చడిని మూడు నాలుగు రోజుల తర్వాత తింటే చాలా రుచిగా ఉంటుంది అప్పటికప్పుడే అంత రుచి అనిపించకపోవచ్చు.
Video
Notes
ఈ పచ్చడి తయారు చేయడమ్ అయిపోయిన తర్వాత ప్లాస్టిక్ డబ్బాల్లో గాని గాజు సీసాలో కానీ నిలువ ఉంచుకోవచ్చు అలాగే మరీ మరీ చెప్తున్నాను అస్సలు మర్చిపోకండి. ఈ పచ్చడి వాడుకునేపపుడు తడి తగలకుండా చూసుకోండి అలాగే మూతని ఎప్పటికప్పుడు టైట్ గా పెట్టుకోండి.